Ashufta Changezi 2 Line Poetries Collection More than 15 selected Shayari

famous urdu poetry, urdu adab, best poetry, sms poetry, text poetry, designed poetry, best shayari collection, famous poets and poetess,

انگلی پکڑ کے ساتھ چلے 

دوڑ میں ہم سے آگے ہیں

آشفتہ چنگیزی

جو ہونا ہے سو دونوں جانتے ہیں پھر شکایت کیا 

یہ بے مصرف خطوں کا سلسلہ اچھا نہیں لگتا

آشفتہ چنگیزی

ہمیں بھی آج ہی کرنا تھا انتظار اس کا 

اسے بھی آج ہی سب وعدے بھول جانے تھے

آشفتہ چنگیزی

تیزی سے بیتتے ہوئے لمحوں کے ساتھ ساتھ 

جینے کا اک عذاب لیے بھاگتے رہے

آشفتہ چنگیزی

ہے انتظار مجھے جنگ ختم ہونے کا 

لہو کی قید سے باہر کوئی بلاتا ہے

آشفتہ چنگیزی

تجھے بھلانے کی کوشش میں پھر رہے تھے کہ ہم 

کچھ اور ساتھ میں پرچھائیاں لگا لائے

آشفتہ چنگیزی

سڑک پہ چلتے ہوئے آنکھیں بند رکھتا ہوں 

ترے جمال کا ایسا مزہ پڑا ہے مجھے

آشفتہ چنگیزی

عجیب خواب تھا تعبیر کیا ہوئی اس کی 

کہ ایک دریا ہواؤں کے رخ پہ بہتا تھا

آشفتہ چنگیزی

سونے سے جاگنے کا تعلق نہ تھا کوئی 

سڑکوں پہ اپنے خواب لیے بھاگتے رہے

آشفتہ چنگیزی

ہمیں خبر تھی زباں کھولتے ہی کیا ہوگا 

کہاں کہاں مگر آنکھوں پہ ہاتھ رکھ لیتے

آشفتہ چنگیزی

سبھی کو اپنا سمجھتا ہوں کیا ہوا ہے مجھے 

بچھڑ کے تجھ سے عجب روگ لگ گیا ہے مجھے

آشفتہ چنگیزی

سفر تو پہلے بھی کتنے کیے مگر اس بار 

یہ لگ رہا ہے کہ تجھ کو بھی بھول جائیں گے

آشفتہ چنگیزی

خواب جتنے دیکھنے ہیں آج سارے دیکھ لیں 

کیا بھروسہ کل کہاں پاگل ہوا لے جائے گی

آشفتہ چنگیزی

برا مت مان اتنا حوصلہ اچھا نہیں لگتا 

یہ اٹھتے بیٹھتے ذکر وفا اچھا نہیں لگتا

آشفتہ چنگیزی

اونچی اڑان کے لیے پر تولتے تھے ہم

اونچائیوں پہ سانس گھٹے گی پتا نہ تھا

آشفتہ چنگیزی

یہ بات یاد رکھیں گے تلاشنے والے 

جو اس سفر پہ گئے لوٹ کر نہیں آئے

آشفتہ چنگیزی

سوال کرتی کئی آنکھیں منتظر ہیں یہاں 

جواب آج بھی ہم سوچ کر نہیں آئے

آشفتہ چنگیزی

کس کی تلاش ہے ہمیں کس کے اثر میں ہیں 

جب سے چلے ہیں گھر سے مسلسل سفر میں ہیں

آشفتہ چنگیزی